Бундан 28 йил олдин, 1994 йилнинг 4 сентябрь куни Халқаро олимпия қўмитасининг Париждаги сессиясида таэквондо WT спорт тури расман Олимпия ўйинлари тизимига қабул қилиниб, 2000 йил "Сидней-2000" ўйинларида илк бор таэквондо баҳслари ўтказилганди.

2006 йил Вьетнам пойтахти Хошимин шаҳрида ўтган Халқаро таэквондо федерацияси Бош ассамблея йиғилишида 4 сентябрь - Бутунжаҳон таэквондо куни, деб эълон қилинди.

Айтиш жоиз, Ўзбекистонда ушбу спорт тури билан шуғулланиб келаётганлар 20 мингга яқинни ташкил этади. Кўплаб таэквондочиларимиз Жаҳон ва қитъа чемпионлари ҳисобланади. Ўтган йил Токио олимпиадасида истеъдодли спортчимиз Улуғбек Рашидов олтин медалга сазовор бўлиб, юртимиз таэквондосининг янги зарварағини яратди.

ЎзА