Пилла етиштиришнинг 3-4-мавсуми бошланиш арафасида. Айни кунларда мавсумга тайёргарлик ишлари авж паллада давом этмоқда. Қайд этилишича, 3-4-мавсумда 66 минг 534 қути ипак қурти уруғи парваришланиши белгиланган. Шу билан бирга, 2 минг 661 тонна пилла хомашёси етиштириш режалаштирилмоқда.

Республикамиз бўйлаб вилоят ва туман “Агропилла” МЧЖ ҳамда агрономлар томонидан фермер хўжаликлари, ипак қурти парваришловчилар билан шартномалар тузиш ишлари олиб борилмоқда.  

Тут плантациялари ораларига агротехник ишлов бериш ҳамда маҳаллий ўғит бериш ишлари амалга оширилмоқда.  

Шунингдек, пиллани қайта ишлаш корхоналарида қабул қилинган пиллаларни дастлабки ишлов бериш ва гилам тўқиш, экспорт ҳамда инвестиция масалалари бўйича ишлар ташкил қилинмоқда.  

Гулноза Бобоева,

ЎзА