29 milliard so‘mdan ortiq QQS summasi tadbirkorlarga qaytarildi
Biznes-ombudsmanga Toshkent shahrida turli yo‘nalishlarda faoliyat yurituvchi 33 ta tadbirkorlik sub’ektlari soliq organlari tomonidan ortiqcha hisoblangan QQS summasini qaytarishda amaliy yordam berishni so‘rab murojaat qildi.
Soliq kodeksining 21-moddasiga ko‘ra soliq to‘lovchi soliqlar, penyalar va jarimalarning ortiqcha to‘langan yoki ortiqcha undirilgan summalarini o‘z vaqtida hisobga o‘tkazish yoki qaytarish huquqiga ega.
Shuningdek, Soliq kodeksining 12-bobida ortiqcha to‘langan va ortiqcha undirilgan soliqlarni hisobga olish hamda qaytarish tartibi va muddatlari belgilangan.
Biznes-ombudsman xodimlari tomonidan Toshkent shahar Davlat soliq boshqarmasiga yuborilgan so‘rov xatiga asosan 33 ta korxonaga jami 29,3 milliard so‘mdan ziyod summa qaytarildi.
O‘zA