Исроилда дунёдаги энг катта, 289 граммли қулупнай етиштирилгани қайд этилди.

Гиннес рекордлар китобининг расмий сайти шу ҳақда маълум қилган.

2021 йилнинг 12 февралида ака-ука Ариэллар ўз даласида етиштирган Илан навли йирик қулупнайнинг узунлиги 18 сантиметр, қалинлиги 4 сантиметр, айланаси эса 34 сантиметр экани аниқланганди. Улар қулупнайнинг дунёдаги рекорддан катта эканини билгач, рекордлар китоби сайтига мурожаат қилган, қулупнайни эса музлатиб қўйишган.

Узоқ кутишга тўғри келди, рекорд бир йилдан сўнг масъуллар томонидан қайд этилди. Ариэллар оиласининг қулупнайи ўзидан олдинги – 2015 йилда Япониянинг Фукуока префектурасида қайд этилган 250 граммли қулупнайни ортда қолдирган.