ФОТОРЕПОРТАЖ

Сирдарё вилоятидаги Ўлкашунослик музейи Ховос тумани маркази “Ховос сити” мавзесида жойлашган бўлиб, музейда асосан Эски Ховостепа археологик ёдгорлигидан топилган экспонатлар жой олган.

Маълумки, Эски Ховостепа Ипак йўли чорраҳасидаги муҳим манзиллардан бири бўлган.

[gallery-9861]

Музей раҳбарининг айтишича, ҳозиргача мазкур археологик ёдгорликнинг атиги ярим гектарида қазилма ишлари олиб борилган. Қадимги шаҳарнинг умумий майдони эса 12 гектарни ташкил этган. Қазишмаларда икки минг йиллик тарихга эга бронзадан ишланган кели сопи ва темир омоч топилган. Дори учун ишлатилган шиша идишнинг бус-бутун топилиши эса бу борадаги ноёб янгилик бўлди.  

2700 йиллик тарихдан сўзловчи қадимий ашёлар ҳамда экспонатларни ўзида жамлаган ҳамда бугунги кунда янги экспонатлар билан бойитиш ишлари олиб борилаётган музей маҳаллий аҳоли ва сайёҳлар эътиборини жалб этиб келмоқда.    

Шаҳриёр ОРТИҚБОЕВ(сурат),ЎзА