268 nafar afg‘onistonlik Eron turmalaridan ozod etildi
Eron hukumati Afg‘onistonning 268 nafar fuqarosini qamoqdan chiqarib, qo‘shni mamlakat hukumatiga topshirdi, deb ma’lum qildi dushanba kuni Tolibon harakati tomonidan shakllantirilgan Afg‘onistonning vaqtinchalik hukumati tashqi ishlar vaziri Hafiz Ziyo Ahmad.
Uning aytishicha, Eron qamoqxonalarida saqlanayotgan Afg‘oniston fuqarolarini topshirish Xirot provinsiyasida bo‘lib o‘tgan.
Afg‘oniston fuqarolari qaysi qonunbuzarliklari uchun Eron qamoqxonalarida saqlangani haqida ma’lumot berilmagan.
Afg‘onistonda chiqadigan Hasht e Subh gazetasi esa Eron hukumati “Islom-Qal’a” chegara nazorat-o‘tish punkti orqali kamida 560 nafar mahbusni Afg‘onistonga qaytarib bergani haqida xabar berdi.