Ғиждувонда ўз томорқасида каннабис етиштираётган шахс аниқланди. Бу ҳақида Бухоро вилояти Ички ишлар бошқармаси ахборот хизмати маълум қилди.

Ғиждувон туманида “Қорадори – 2022” тадбири доирасида ҳуқуқ тартибот идоралари билан ҳамкорликда тезкор тадбир ўтказилди. Туманнинг “Ростгўй” маҳалла фуқаролар йиғинида яшовчи Ж.Ж. исмли шахс ўзининг яшаш хонадонидаги томорқасининг 15х20 метр ҳажмдаги ер майдонида 25 туп каннабис ўсимлигини экиб, парваришлаб келаётгани аниқланди.  

Мазкур ҳолат юзасидан Жиноят кодексининг 270-моддаси (тақиқланган экинларни етиштириш) 1-қисми билан жиноят иши қўзғатилиб, дастлабки тергов ҳаракатлари олиб борилмоқда.  

Зариф Комилов, ЎзА