2,5 ming dollar pora olgan institut xodimi ushlandi
Jizzax davlat pedagogika instituti bo‘lim boshlig‘i B.I. fuqaro V.ning Toshkent shahridagi universitetlardan birining “Maktabgacha ta’lim” yo‘nalishidagi o‘qishini tanishlari yordamida boshqa fakultetga ko‘chirib berish evaziga 2,5 ming AQSH dollari olgani uzoqqa bormadi.
Bosh prokuratura huzuridagi Departament hamda DXXning Jizzax viloyati boshqarmalari tomonidan o‘tkazilgan tezkor tadbirda u ashyoviy dalil bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
O‘zA