O‘zbekiston Respublikasi Gidrometeorologiya xizmati agentligining xabar berishicha, 25-fevral kuni Toshkentda havo o‘zgarib turadi, yog‘ingarchilik kutilmaydi, faqat kechqurun biroz yomg‘ir yog‘ishi mumkin. Sharqdan esayotgan shamol o‘z yo‘nalishini o‘zgartirib, g‘arbdan sekundiga 3-8 metr tezlikda esadi. Shamolning tezligi sekundiga 10-12 metrgacha kuchayishi mumkin. Kechasi 7-9, kunduzi 20-22 daraja iliq bo‘ladi.

Qoraqalpog‘iston Respublikasida havo o‘zgarib turadi, ayrim joylarda yog‘ingarchilik bo‘ladi (yomg‘ir, qor yog‘adi). G‘arbdan sekundiga 7-12 metr tezlikda shamol esadi. Kechasi 3 daraja sovuq,  2 daraja iliq, kunduzi 3 daraja sovuq,  2 daraja iliq bo‘ladi.

Xorazm viloyatida havo o‘zgarib turadi, ayrim joylarda yog‘ingarchilik bo‘ladi (yog‘ayotgan yomg‘ir ba’zi joylarda qorga aylanishi mumkin). G‘arbdan sekundiga 9-14 metr tezlikda shamol esadi. Havo harorati kechasi va kunduzi  2-7 daraja iliq bo‘ladi.

Buxoro va Navoiy viloyatlarida havo o‘zgarib turadi, ayrim joylarda yomg‘ir yog‘adi. G‘arbdan sekundiga 7-12 metr tezlikda shamol esadi. Ba’zi joylarda shamolning tezligi  sekundiga  13-18 metrgacha kuchayishi, bu kuchayish ayrim tumanlarda chang-to‘zonlari bilan birga sekundiga  20-25 metrgacha tezlashishi mumkin. Kechasi 5-10, kunduzi 15-20 daraja iliq, Navoiy viloyatining cho‘l hududlarida kechasi 2 daraja sovuq, 3 daraja iliq, kunduzi 7-12 daraja iliq bo‘ladi.

Toshkent, Samarqand, Jizzax va Sirdaryo viloyatlarida havo o‘zgarib turadi,  yog‘ingarchilik kutilmaydi, faqat kechqurun ayrim joylarda yomg‘ir  yog‘ib, tuman tushishi mumkin. Sharqdan esayotgan shamol o‘z yo‘nalishini o‘zgartirib, g‘arbdan sekundiga 7-12 metr tezlikda esadi. Ba’zi joylarda shamolning tezligi  sekundiga  13-18 metrgacha kuchayishi, bu kuchayish ayrim tumanlarda chang-to‘zonlari bilan birga sekundiga  20-25 metrgacha  tezlashishi mumkin. Kechasi 5-10, kunduzi 18-23 daraja iliq bo‘ladi.  

Qashqadaryo va Surxondaryo viloyatlarida havo o‘zgarib turadi, yog‘ingarchilik kutilmaydi, faqat kechqurun ayrim joylarda yomg‘ir yog‘adi. Sharqdan esayotgan shamol o‘z yo‘nalishini o‘zgartirib, g‘arbdan sekundiga 7-12 metr tezlikda esadi. Ba’zi joylarda shamolning tezligi sekundiga  13-18 metrgacha kuchayishi, bu kuchayish ayrim tumanlarda chang-to‘zonlari bilan birga sekundiga  20-25 metrgacha tezlashishi mumkin. Kechasi 7-12, kunduzi  21-26 daraja iliq bo‘ladi.

Andijon, Namangan va Farg‘ona viloyatlarida havo o‘zgarib turadi, yog‘ingarchilik kutilmaydi. Ayrim joylarda tuman tushishi  mumkin. Sharqdan sekundiga 5-10 metr tezlikda shamol esadi. Kechasi 3-8, kunduzi 15-20 daraja iliq bo‘ladi.

Respublikamizning tog‘li hududlarida havo o‘zgarib turadi, vaqti-vaqti bilan yog‘ingarchilik bo‘ladi (yomg‘ir, qor yog‘adi), ayrim joylarda tuman tushishi mumkin. Qor ko‘chishi xavfi bor. Sharqdan esayotgan shamol o‘z yo‘nalishini o‘zgartirib, g‘arbdan sekundiga 7-12 metr tezlikda esadi.  Ba’zi joylarda shamolning tezligi sekundiga 15-20 metrgacha kuchayishi mumkin. Kechasi 0-5, kunduzi 8-13 daraja iliq bo‘ladi.

Muhim hodisalar

24-25-fevral kunlari Toshkent va Namangan viloyatlarining tog‘li hududlarida, 26-27-fevral kunlari  respublikamizning tog‘li hududlarida qor ko‘chishi xavfi bor.  

O‘zA