Эпидемиологик вазиятнинг яхшилангани туфайли Францияда 21 июндан бошлаб коммендантлик соати бекор қилинади.

Бундан ташқари, бугун, 17 июндан бошлаб мамлакатда кўчаларда ниқоб тақиш мажбурийлиги амалиётига ҳам барҳам берилади.  

“ТАСС” хабарига кўра, бош вазир Жан Кастекс ҳукуматнинг шундай қарори ҳақида маълум қилган.  

Лекин, Кастекснинг тушунтиришича, стадион ва бозорларда, ёпиқ бинолар ва навбатларда ниқоб тақиш мажбурийлиги ўз кучида қолади.