SpaceX асосчиси Илон Маск 2055 йилгача инсоният Марсда ўзини-ўзи таъминлайдиган колония барпо этиши мумкинлигини айтди. Унга кўра, бунинг учун энг муҳим шарт — оғир юк кўтарувчи ракеталар ёрдамида Марсга етказиб бериш ҳажмини кескин ошириш.

Маскнинг фикрича, колонияга тураржой модуллари, робот ёрдамчилари, озиқ-овқат ишлаб чиқариш тизимлари ва ҳатто ракеталар яратиш учун керакли материаллар ҳам етказилиши зарур бўлади. 

Бу вазифа учун SpaceX янги Starship V3 транспорт тизимини ишлаб чиқмоқда. У орбитага 100 тоннадан ортиқ юк чиқариш имкониятига эга бўлиб, бу Falcon Heavy сиғимидан қарийб 2,5 баравар кўпдир. Фарқи шундаки, Starship V3 тўлиқ қайта фойдаланиш мумкин бўлади. 

Янги ракетанинг баландлиги 124,4 метрни ташкил этади. SpaceX
уни келгуси йилда Марсга биринчи учувчисиз миссияларни амалга ошириш учун синовдан ўтказишни режалаштирмоқда.

<iframe width="640" height="420" src="https://www.youtube.com/embed/Gq10Ui0CtTE" title="2055 yilgacha Marsda barqaror koloniya bo`ladi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мадинабону Насриева, 

Улуғбек Тўхтаев, ЎзА