«Айти-Нагоя-2026» Параазия ойындарының ұйымдастыру комитеті жарыстардың ресми символын таныстырды.

Символ дизайны Айтидің су жүйелері мен әсем шығанақтарының көрінісін бейнелеп, Параазия ойындарының логотипіндегі иілген сызықты өрнектермен үйлесімділікке қол жеткізген.

– Символдың таныстырылуы әрқашан ерекше сәт. Бұл ойындардың бастауы жақын екенінен дерек. Бұл символ 185 үміткердің арасынан таңдалды. «Айти-Нагоя-2026» Параазия ойындарына деген қызығушылықтың жоғары екенін көрсетеді, – деді таныстырылым кезінде Азия Паралимпия комитетінің президенті Мажид Рашид.

Айта кетейік, бесінші рет ұйымдастырылатын Параазия ойындары 2026 жылдың қазан айында өтеді деп жоспарланған.

Бағдарламада 18 паралимпиадалық спорт түрі бар жарысқа APC-ке мүше 44 елден 4000-ға жуық спортшы мен команда өкілдері қатысады деп күтілуде.