Доха қаласында 2025 жылдың 20-21 мамыр күндері Ташкентте «M360 Eurasia 2025» іс-шарасын өткізу бойынша үшжақты өзара түсіністік меморандумына қол қойылды.

Рәсімге Өзбекстан Республикасының Цифрлық технологиялар министрі Шерзод Шерматов, GSMA бас директоры Матс Гранрид, «Beeline Uzbekistan» директорлар кеңесінің төрағасы және VEON Group бас директоры Каан Терзиоғлы, сондай-ақ бас директор Андрей Пятахин қатысты. 

GSMA ұсынған «M360» жобасы аймақтық мобильді экожүйені біріктіретін жаһандық іс-шаралар сериясын қамтиды. Конференция инновацияларды ашу, әзірлеу және ұсынуға, сонымен қатар қоғамды өзгертетін жағымды іскерлік орта қалыптастыруға бағытталған. 

– «M360 Eurasia» үшін аймағымыздың тоғысқан нүктесі – Ташкент қаласында мұндай мобильді экожүйені қабылдағанымызға қуаныштымыз, – деді министр «Dohanews» басылымына берген сұхбатында. – Өзбекстанда тек еліміздің өркендеуіне ғана емес, бүкіл аймақтың дамуын жеделдететін ауқымды цифрландыру бағдарламасы жүзеге асырылуда. Біз бұл үдерісте мобильді желілердің рөлін жоғары бағалаймыз.

– «M360 Eurasia» – байланыс, цифрлық қызметтер мен технологиялардың көмегімен экожүйені қалай дамытуға болатынын зерттейтін тиімді аймақтық алаң. Орталық және Оңтүстік Азияның өсіп келе жатқан нарығында цифрлық трансформацияны жүзеге асыруға қабілетті топ ретінде біз бұл маңызды конференцияның Ташкентте сәтті өтетініне сенімдіміз, – деді Каан Терзиоғлы . 

–Бұл оқиға Орталық Азияда цифрлық трансформацияны ілгерілету бойынша күш-жігеріміздің маңызды кезеңі болып табылады. Саммит елдің халықаралық аренадағы беделін арттыруға, көбірек компаниялар мен инвесторларды тартуға, сонымен қатар бизнес пен экономиканы, әлеуметтік өмірді дамытуға жаңа мүмкіндіктер жасауға қызмет етеді, , – деген Матс Гранрид.