Бу кўрсаткич мамлакатимизнинг юқори технологияли маҳсулотларини халқаро бозорда кенг тарқатиш салоҳиятининг ошиб бораётганидан дарак беради.

Айтиш керакки, сўнгги йилларда электроника ва электротехника саноати Ўзбекистон иқтисодиётида муҳим тармоқлардан бири сифатида изчил ривожланиб бормоқда. Давлат томонидан қўллаб-қувватлаш, инвестиция лойиҳаларининг кенг жорий этилиши ҳамда ишлаб чиқариш ва экспорт ҳажмларининг ошиши соҳанинг иқтисодий барқарорлик ва аҳоли бандлигини таъминлашдаги ўрнини янада мустаҳкамламоқда.

Хусусан, 2023-2025 йиллар давомида электротехника ва электроника саноати корхоналари давлат бюджетига жами 2,8 триллион сўм миқдорида тўловларни амалга оширди. Шундан 2025 йил ҳиссаси 1175,0 миллиард сўмни ташкил этди.

“Ўзэлтехсаноат” уюшмаси ахборот хизматига кўра, охирги уч йилда ҳудудларда ишга туширилган 195 та инвестиция лойиҳаси доирасида 12 мингта янги иш ўрни яратилди. Бу саноатнинг ҳудудий ривожланиш ва аҳоли бандлигини таъминлашдаги аҳамияти ортиб бораётганини кўрсатади.

Шунингдек, 2025 йил якунига кўра, электроника ва электротехника соҳасида экспорт ҳажми қарийб 1,5 миллиард долларни, ишлаб чиқариш кўрсаткичи 35 триллион сўмни, инвестициялар эса 213,1 миллион долларни ташкил этди. Ушбу кўрсаткичлар соҳанинг мамлакат иқтисодиётидаги стратегик аҳамиятини янада мустаҳкамламоқда.

Н.Зиёдуллаева, ЎзА