Starlizard Integrity Services (SIS) аналитикалық компаниясы букмекерлік кеңселердің коэффициенттерінің қозғалысын бағалау арқылы күдікті ойындарды анықтайды.

Компанияның 2023 жылға арналған қорытындысында, ұлттық және халықаралық жарыстардағы 65 мыңнан астам матчтар, сондай-ақ жарыстан тыс матчтар талданған. 

SIS мәліметтері бойынша өткен жылы футболда 167 күдікті матч тіркеліп, бұл 2022 жылмен салыстырғанда 16 пайызға артқан.

Күмәнді деп танылған 69 матч (41,3 пайыз) Еуропада өтіп, оның 42-сі (25,2 пайыз) Еуропа чемпионаттарының жоғарғы лигаларында тіркелген.

Бір қызығы, жолдастық кездесулер Starlizard Integrity Services сарапшылары жазған күмәнді матчтардың жалпы санының тек 10,8 пайызын құраған.