2023 жыл 1 қаңтардан бастап Өзбекстан азаматтары крипто-актив операцияларын тек ұлттық провайдерлер арқылы жүзеге асыратын болады.

Интернет желісіндегі ақпараттық ресурстарға мониторинг жүргізу барысында Өзбекстан азаматтарына криптоактивтердің саудасы және (немесе) айырбастау қызметтерін ұсынатын ел аумағында қызмет көрсетуші ретінде тиісті лицензиясы жоқ әртүрлі электрондық платформалардың қызметі көбейіп жатқаны анықталды. 

Перспективалық жобалар ұлттық агенттігі Өзбекстан аумағында жұмыс істеуге лицензиясы жоқ электронды платформалардың қызметтерін пайдаланбауға және сақтық шараларын сақтауға, жеке ақпараттың сыртқа шығуы нәтижесінде алаяқтардың ақпаратты пайдалануына жол бермеуге шақырады.

Егер сізде криптовалюта активтеріне қатысты сауда жасайтын немесе қызметтер ұсынатын тиісті лицензиясыз әлде заңсыз мақсатта, алаяқтық үшін ұсынатын компаниялар туралы ақпарат болса, тиісті ақпаратты fraud@napm.uz электрондық поштасына жіберуіңізді сұраймыз, делінген хабарламада.