2022 жылы республика аумағындағы 69 мәдени мұра нысанында жөндеу жұмыстары жүргізіліп бастапқы қалпына келтірілді.

Мәдени мұра агенттігінің мәліметінше, республикада 8 мың 210 жылжымайтын материалдық мәдени мұра нысаны мемлекет қорғауына алынған, оның 4 мың 748-і археологиялық нысан, 2 мың 252-сі сәулет нысаны, 678-і монументалды өнер туындысы, 532-і назар аударарлық нысандар.

2022 жылы Мәдени мұра агенттiгiнiң туризм объектiлерiнiң инфрақұрылымын дамыту және мәдени мұра объектiлерiнде сақтау жұмыстарын жүргiзу үшiн әзiрлеген мақсатты бағдарламалары негiзiнде 72 нысанға 144 миллиард сум бөлiнген болып, 68 объектiде мердiгерлiк жұмыстарды орындау үшiн 106,7 миллиард сумдық келiсiм-шарттар жасалған және 79,8 миллиард сум игерілген.

Жерге заңсыз иелік ету салдарынан өткен жылы 74 мәдени мұра нысанына зиян келтіру фактілері анықталып, тиісті құқық қорғау органдарына шара қолдану үшін ұсынылған.

Республика аумағында орналасқан 8210 мемлекет меншігіндегі мәдени мұра объектілерінің 1002-ін жалға беру шарты жасалған. Келушілерге ыңғайлы болу үшін 829 жол белгісі (ағылшын, орыс және басқа тілдерде) орнатылып, 219 тегін Wi-Fi аймағы орнатылған.

Сонымен қатар бүгінгі күнде ел аумағында 124 мемлекеттік мұражай және олардың филиалдары бар. Атап айтқанда, Мәдени мұра агенттігінің жүйесінде 37 негізгі мұражай мен 75 филиал жұмыс істейді. Оның 7-уі мұражай-қорықтары. Мемлекеттік мұражайлар қорындағы музей заттары мен коллекцияларының саны 2 млн 525 мың 23 дана. 

2022 жылы республикадағы мұражайларға 3 миллион 904 мың 267 жергілікті және шетелдік турист келген.