2022 жылғы ӘЧ басталмас бұрын Қатарда «Реал Мадрид» клубының бұрынғы жаттықтырушысы Зинедин Зиданның мүсіні орнатылады.

Goal порталының мәліметінше, ескерткіш Зиданның 2006 жылғы ӘЧ финалында Марко Матерацциге баспен соққы беру сәтін бейнелейді.

Мұндай мүсін бұрын Қатарда болған, бірақ 2013 жылы жергілікті тұрғындарды ренжітуі мүмкін деген қауіптен ескерткіш алынып тасталды, бірақ қазір ел билігі бұл шешімнен бас тартып, мүсіннің орнын өзгертуді жоспарлап отыр.

Бұл шешімге түсініктеме берген Катар мұражайларының төрағасы Әл-Маясса Әл-Тани: «Қоғамда эволюция бар. Бұл уақытты талап етеді, ал адамдар алдымен оны сынайды, содан кейін түсініп, үйренеді.

Зидан Катардың тамаша досы. Және ол араб әлеміне үлкен үлгі. Басқалар сияқты. Біздің мақсатымыз - адамдарға мүмкіндік беру», - деген ол.

Еске салар болсақ, осыдан 16 жыл бұрын 2006 жылғы ӘЧ финалында Франция құрамасының жартылай қорғаушысы Зинедин Зидан мен Италия құрамасының қорғаушысы Марко Матерацци арасында келіспеушілік туындап, Зидан итальяндық футболшының кеуде тұсына басымен соққы беріп, алаңнан қуылған. 

Кездесу Италияның жеңісімен аяқталды (1:1, пен. - 5:3). Бұл Зиданның мансабындағы соңғы матч болды. 

Француз елінің мақтанышына айналған Зиданның баспен соққы беру сәті Париж қаласының Жорж Помпиду атындағы ұлттық өнер және мәдениет орталығының алдына орнатылған.