Өзбекстанда 2022 жылдың 1 наурызынан бастап жолаушыларды тасымалдау бағыты бойынша ашық тендерлер электронды түрде ұйымдастырылады.

Үкімет «Автомобиль көлігімен жолаушылар тасымалдау бағыты бойынша ашық тендерлер электронды түрде ұйымдастыру шаралары туралы» қаулы қабылдады. 

Қаулыға сәйкес, 2022 жылдың 1 қаңтары мен 1 наурызы аралығында жолаушылар тасымалы бағыттарын ашық тендер арқылы қосудың электронды жүйесі тесттік режимде енгізіледі.

Келесі жылдың 1 наурызынан бастап қалалық, қала маңындағы, қалааралық және халықаралық жолаушылар бағыттарын қосу бойынша ашық тендерлер тек электронды жүйе арқылы өтеді.