ФИФА Қатарда – 2022 өтетін ӘЧ 48 емес, 32 ел құрамасы ойын көрсететін болады.

Осыған дейін Қатарда – 2022 өтетін футболдан Әлем біріншілігіне 48 ел құрамасы қатысатыны жайында ұсынылған болатын. Бірақ ФИФА ұйымы Қатарда өтетін Әлем чемпионатында тізім өзгермейтінін мәлімдеген. 

ФИФА президенті Джианна Инфантиноның айтуынша, Таяу Шығыстағы алғашқы Әлем чемпионатын 48 ел құрамасымен өткізу мәселесі мүделі тараптардың қатысуымен мұқият жан-жақты зерттеу процесінен өтіп, қазіргі жағдайда ӘЧ мұндай кеңейтілген түрде өткізу мүмкіндігі болмай тұрғанын айтып, оған себеп ретінде, Қатар елінің айналасындағы көрші елдер турнир ойындарын өткізу мүмкіндігіне ие еместігін және көрші елдер өз жерінде шетелдіктердің ойын сауық пен жын-ойнақ тірліктерін жасауға рұқсат бермегенін алға тартқан. 

Осылайша ӘЧ кеңейтілген түрдегі ел құрамаларымен өтетін жарысы 2026 жылға қарай 48 ел құрама командасымен өткізуді жоспарлап отыр.