2021 жылы Ресейде жұмыс істеу үшін ең көп патентті Өзбекстандықтар алған
Өткен жылы Ресейде жұмыс істеуге берілген патент мөлшерінің жартысынан көбі Өзбекстан азаматтарына берілген.
РФ Ішкі істер министрлігінің елдегі көші-қон жағдайы туралы мәлімдемесінде айтылуынша, 2021 жылдың қаңтар-желтоқсан аралығында жұмыс істеуге 2 миллион 221 мың 826 патент берілген. Оның 1 316 569 патентті Өзбекстан азаматтары, 787 мыңға жуық патентті тәжікстандықтар, 65 мыңға жуық патент әзірбайжандық азаматтарға берілген.
Сонымен қатар, Украина (37 мың) және Молдова (17 мың) азаматтары да жұмысқа патент алған.
2021 жылы Ресейде жұмыс істеуге патент алған мигранттар саны екі есеге жуық өскені айтылады хабарламада.