Ўтган йилда Россияда ишлаш учун расмийлаштирилган жами патентларнинг ярмидан кўпи Ўзбекистон фуқароларига тўғри келган. Россия Федерацияси Ички ишлар вазирлигининг мамлакатда миграция билан боғлиқ вазиятга бағишлаб тарқатган маълумотида шу ҳақда айтилмоқда.

Вазирлик тарқатган маълумотга кўра, 2021 йил январдан декабрь ойигача мамлакатда ишлаш учун 2 миллион 221 минг 826 та патент расмийлаштирилган. Шундан 1 миллион 316 минг 569 та патент Ўзбекистон фуқароларига тўғри келган, тожикистонликлар қарийб 787 мингта, озарбайжонликлар қарийб 65 мингта патент расмийлаштиргани маълум бўлди. Бундан ташқари, ишлаш учун Украина (37 минг) ва Молдова (17 минг) фуқаролари ҳам патент олган.

2021 йилда Россияда ишлаш учун патент олган мигрантлар сони қарийб икки баробарга ошган. Қолаверса, ўтган йилда хорижий фуқароларга ишлаш учун берилган рухсатнома сони ҳам ошган, дейилади мамлакат ички ишлар вазирлиги тарқатган маълумотда.