Өткен 2020 жыл қорытындысына орай Өзбекстаннан көшіп кеткендердің саны елге көшіп келгендерге қарағанда 12,5 мыңға көп болды.

Мемлекеттік статистика комитетінің жариялаған Өзбекстандағы көші-қон жағдайы туралы ақпаратында, 2020 жылда Өзбекстаннан 203,7 мың адам көшіп кеткен. Сонымен қатар, 191,2 мың адам елге қоныс аударған. Пандемия жағдайында шекаралар ұзақ уақыт жабық болғанына қарамастан, көші-қон көрсеткіштері 2019 жылмен салыстырғанда біршама көп. 

Өзбекстанға қоныс аударушылардың басым бөлігі Қазақстан (жалпы мигранттардың 37% -ы), Ресей (22,3%) және Тәжікстан (20%) елдерінен келгендер болса, шетелге көшкен азаматардың дені Қазақстанға (64,3%) және Ресейге (29,3%) көшкен.

2019 жылғы статистика бойынша 169,5 мың азамат шетелге көшкен, ал сырттан елге қоныс аударғандар саны 158,9 мыңды құраған.