2019-2023 жылдар аралығында Өзбекстанда 77 спортшының келісілген ойындарға қатысқаны белгілі болды.

Мәліметтерге сәйкес, 2019-2023 жылдары республикада 30 футболшы мен төреші, 8 жаттықтырушы, 7 футбол клубының жетекшісі және 2 футбол клубының әкімшілігі қызметкері, жалпы 77 спортшы келісілген ойынға қатысқаны анықталып, тиісті шаралар қабылданған.

Енді мұндай жағдайлардың алдын алу үшін қылмыстық жауапкершілік мәселесі заңнамада қарастырылуда. Қылмыстық кодекс тиісті баптармен толықтырылып, спорттық жарыстарға қатысушылар мен ұйымдастырушылардың заңға қайшы материалдық құндылықтар алу немесе мүліктік мүддеге қол сұғу, сондай-ақ спорттық жарыстарға қатысушылар мен ұйымдастырушыларды пара беру жолымен жағдайды өз пайдасына шешуге қылмыстық жауапкершілік қарастырылуда.

Осы процедураларды қамтитын «Спорттағы сыбайлас жемқорлықтың алдын алу бойынша Қылмыстық кодекске толықтырулар енгізу туралы» заң жобасы қазір парламенттің төменгі палатасында қаралып жатыр.

Осы заң жобасымен заманауи халықаралық стандарттар және озық шетелдік тәжірибені ескере отырып, ұлттық заңнама одан әрі жетілдірілетін болады. Атаулы салада сыбайлас жемқорлыққа төзбеушілік қалыптасып, жауапкершіліктің бұлтартпастығы қамтамасыз етілді.