Қорақалпоғистон Республикаси Жўқорғи Кенгесининг навбатдан ташқари еттинчи сессияси кун тартибида ўзбошимчалик билан эгаллаб олинган ер участкалари ҳамда уларда қурилган бино ва иншоотларга бўлган ҳуқуқларни тан олиш тўғрисидаги масала ҳам кўриб чиқилди.

Мазкур сессияда ўзбошимчалик билан эгаллаб олинган ер участкасига бўлган ижара ҳуқуқи ҳамда уларда қурилган бино ва иншоотларга бўлган мулк ҳуқуқи эътироф этилаётган 200 фуқаронинг рўйхати Қорақалпоғистон Республикаси Жўқорғи Кенгесининг қарори билан тасдиқланди.

Эслатиб ўтамиз, шу кунгача Қорақалпоғистон Республикасида 491 нафар фуқаронинг турар жойга эгалик  ҳуқуқлари қонуний тарзда тан олинди.

Барча ҳудудларда ҳуқуқларни тан олиш ишлари белгиланган режа-жадвал асосида давом эттирилиб, бу ҳолат Қорақалпоғистон Республикаси Адлия вазирлиги томонидан  доимий назоратга олинган.

Довуд Абибуллаев,

ЎзА мухбири