20 маусымнан бастап Өзбекстан ЖОО онлайн режимінде өтініштер қабылдай бастайды. Бұл туралы Мемлекет басшысының төрағалығымен өткен бейнеконференциялы жиынында айтылды.

Атап айтқанда, екі аптаның ішінде қосымша мемлекеттік грант негізінде (жеңілдікпен) оқуға түсу параметрлері бекітілетін болады. 

Биыл Өзбекстандағы жоғары оқу орындарына 1,5 миллионнан астам талапкер оқуға түсуге құжат тапсыруы күтілуде.

Сонымен қатар, 2021 жылы алғаш рет 9 мемлекеттік емес университет болашақ студенттерге 22 бағыт бойынша білім беру үшін 500 мемлекеттік грант бөледі.