Маълумки, ҳужжатлари бўлмаган товарни мамлакатимизга олиб киришга бўлган уринишларга қарши божхона органлари томонидан тизимли тарзда кураш олиб борилмоқда.

Хусусан, Тошкент вилояти божхона бошқармаси “Яллама” чегара божхона пости орқали “Volvo” русумли юк автотранспорт воситасида юртимизда фаолият олиб бораётган масъулияти чекланган жамиятлардан бирининг номига олиб келинаётган юклар назоратдан ўтказилди.  

Ташкилотнинг ишончли вакили ҳамда холислар иштирокида ўтказилган текширув давомида, автомашинада тегишли ҳужжатлари бўлмаган, қиймати 2 миллиард 305 миллион 100 минг сўм бўлган 2 минг 72 дона рулонда 9 хил турдаги мато ва 120 дона қутиларда мато учун безаклар товарлари борлиги аниқланди.  

Ҳозирда юқоридаги ҳолат юзасидан божхона органлари томонидан суриштирув ҳаракатлари давом этмоқда.  

ЎзА