Пандемия даврида Ўзбекистон фуқароларини хорижда иш билан таъминлаш мақсадида Ташқи меҳнат миграцияси агентлиги ва Қозоғистон Республикаси иш берувчилари ўртасида олиб борилган музокаралар натижасида Ўзбекистон фуқароларини ушбу давлатга ишга жалб қилиш бўйича келишувга эришилган эди.

26 мартда Қорақалпоғистон Республикасидан 196 нафар фуқаро “Довуд ота” чегара пости орқали йирик қурилиш объектлари ва қишлоқ хўжалиги ишларида белгиланган эпидемиологик талабларга риоя қилган ҳолда ишлаш учун Қозоғистон Республикасининг Ақтау шаҳрига ташкиллаштирилган ҳолда жўнаб кетди.

Фуқароларга хорижда ишлаш даврида қийин ҳаётий вазиятга тушиб қолган вақтда ҳуқуқий ёрдам кўрсатишга йўналтирилган тарқатма материаллар тарқатилди.