196 нафар ҳамюртимиз уйига соғ-саломат кузатилди
Аввал хабар қилинганидек, коронавирус инфекцияси – COVID-19 тарқалишининг олдини олиш мақсадида хориждан қайтариб келинган бир гуруҳ юртдошларимиз карантин ҳудудларида кузатувга олинган эди.
Аввал хабар қилинганидек, коронавирус инфекцияси – COVID-19 тарқалишининг олдини олиш мақсадида хориждан қайтариб келинган бир гуруҳ юртдошларимиз карантин ҳудудларида кузатувга олинган эди.
Жумладан, Жанубий Кореядан олиб келинган 196 нафар ҳамюртимиз Чортоқ сиҳатгоҳида икки ҳафталик карантин назоратида бўлди. Сиҳатгоҳнинг барча қулайликларга эга бўлимларига жойлаштирилган 145 нафар эркак ва 51 нафар аёлнинг саломатлиги тажрибали шифокор ва ўрта тиббиёт ходимларининг доимий назоратида бўлди. Мутахассис инфекционистлар томонидан улар кунига икки марта тиббий кўрикдан ўтказилиб, уч мартадан тана ҳарорати ўлчаб турилди.
Текширув ва таҳлиллар натижасига кўра, уларнинг бирортасида касаллик аломатлари топилмади. Белгиланган карантин муддатини ўтаб бўлган меҳмонлар бугун Наманган темирйўл вокзалидан яшаш манзилларига кузатиб қўйилди, деб хабар беради Чортоқ туман ҳокимлиги ахборот хизмати.
