Бу ҳақда вилояти ИИБ Ахборот хизмати хабар берди.

Президентимизнинг 2019 йилнинг 7 ноябрдаги “Жиноят-ижроия қонунчилигини тубдан такомиллаштириш чора-тадбирлари тўғрисида”ги қарори ижросини таъминлаш ҳамда судларнинг ахлоқ тузатиш ишлари, муайян ҳуқуқдан маҳрум этиш, озодликни чеклаш, шартли синов ва мажбурий жамоат ишлари жазоларини қўллаш тўғрисидаги ҳукмларини тўлиқ ижро этилишига Сирдарё вилоятида ҳам алоҳида эътибор қаратиб келинмоқда.

Халқимизда, айбини тан олиш марднинг иши деган нақл бор. Кимдир ўз хато ва камчиликларини тўғри англаб етади, тушунади ва уни тан олиб, белгиланган жазо талабларига риоя қилиб, тўлиқ бажаради. Ана шундай 191 нафар назорат остидаги шахсга нисбатан Ўзбекистон Республикаси ЖКнинг 73-моддасига асосан жазодан муддатидан олдин шартли озод этилиб, фуқароларни ҳуқуқлари тўлиқ таъминланди.

Давлатимиз раҳбарининг қарори ижроси доирасида ўтган давр мобайнида вилоятнинг ҳудудий шаҳар-туман Пробация гуруҳлари судлари билан ҳамкорликда 12 маротаба сайёр судлари ўтказди. Жумладан, яқинда Гулистон шаҳар ИИО ФМБ, Ховос ва Мирзаобод туманлари ИИО Пробация гуруҳлари ходимлари томонидан ахлоқ тузатиш ишлари, муайян ҳуқуқдан маҳрум этиш, озодликни чеклаш жазолари қўлланилган назорат остидаги шахсларнинг сайёр судлари бўлиб ўтди. Ушбу бўлиб ўтган сайёр судлар давомида 25 нафар назорат остида турувчи тузалиш йўлига кирган ва жазо ўташ қоидаларига тўлиқ амал қилган шахсларга нисбатан Ўзбекистон Республикаси ЖКнинг 73-моддасига асосан жазоси муддатидан олдин шартли равишда озод этилди.

Пробация бўлими назорати остидаги шахс эса 35 нафар ўз хатоларини тушуниб етмай, жазони ўташдан бўйин товлаганликлари учун жазони ижро этиш муассасаларига қайтарилди.

Озод этилган фуқаролар эса 8 март – Халқаро хотин-қизлар байрамини оиласи даврасида хуш кайфият билан кенг нишонлашаётир.