Mamlakatimizda Biznes-ombudsman tomonidan qulay biznes muhitini yaratish, nazorat qiluvchi organlar mas’uliyatini oshirish va tadbirkorlik faoliyatiga noqonuniy aralashuvlarning oldini olish borasida keng ko‘lamli chora-tadbirlar amalga oshirilmoqda.

Xususan, tadbirkorlik sub’ektlari faoliyatida o‘tkaziladigan tekshiruvlarni muvofiqlashtirish choralari ko‘rib borilmoqda.  

Jumladan, Biznes-ombudsmanga Navoiy viloyatida faoliyat yurituvchi “T.” fermer xo‘jaligi rahbari amaliy yordam so‘rab murojaat qildi.    

Aniqlanishicha, Karmana tumanlararo iqtisodiy sudining qaroriga asosan mazkur xo‘jalik to‘lovga qobiliyatsiz deb topilib, yuridik shaxslarning yagona davlat reyestridan chiqarilgan.    

Buning oqibatida tadbirkorning bank hisob raqamlari yopilib, faoliyati to‘xtatilgani, yetishtirilgan 19 tonna paxta hosilini topshirish imkoniyati esa cheklab qo‘yilgan.  

Holat yuzasidan Biznes-ombudsman devoni xodimlari tomonidan sud instansiyalarida tadbirkorning huquq va manfaatlari himoya qilindi.    

Ko‘rilgan choralar natijasida fermer xo‘jaligining faoliyati va davlat reyestridagi maqomi qayta tiklandi, bank hisob raqamlari faollashtirildi.  

Natijada, tadbirkorning mehnat mahsuli bo‘lgan 19 tonna paxta hosili nobudgarchiliksiz qabul qilinishi ta’minlanib, xo‘jalikning iqtisodiy zarar ko‘rishiga yo‘l qo‘yilmadi.

Gulnoza Boboyeva, O‘zA