18 oktyabr kuni Jenevada Suriya bo‘yicha muzokaralar o‘tkaziladi
Yaqin orada Jenevada bo‘lib o‘tuvchi Suriya bo‘yicha muzokaralar 18 oktyabrga belgilangan.
“REGNUM” bu haqda BMT bosh kotibining Suriya bo‘yicha maxsus vakili Xavfsizlik kengashi minbaridan aytgan fikrlariga asosan xabar bermoqda.
Mazkur sessiyada keyingi sakkiz oyda birinchi marta Suriya vakillari va muzokaralarning boshqa ishtirokchilari yig‘iladi.
Uning ta’kidlashicha, muzokaralarda Konstitutsiyaviy qo‘mita Suriyadagi Konstitutsiyaviy islohotlar ishlanmalarini shakllantirishga kirishadi.
Eslatib o‘tamiz, Suriya bo‘yicha muzokaralarning oxirgi – beshinchi raundi 2021 yilning yanvarida Jenevada bo‘lib o‘tgandi.