Ушбу сана Бирлашган Миллатлар Ташкилоти томонидан эътироф этилиб, 1983 йилдан буён ҳар йили бутун дунёда кенг нишонланади.

 Бу сана ҳар йили Бутунжаҳон истеъмолчилар иттифоқи ташкилоти томонидан маълум бир мавзуга бағишланади. Жорий 2023 йилда эса «Тоза энергия ва маҳсулотларни истеъмол қилишга ўтиш орқали истеъмолчиларнинг ҳуқуқ ва имкониятларини кенгайтириш» шиори остида ўтмоқда. 
 
Мамлакатимизда Бутунжаҳон истеъмолчилар ҳуқуқларини ҳимоя қилиш куни 1996 йил 26 апрель – Ўзбекистон Республикаси “Истеъмолчиларнинг ҳуқуқларини ҳимоя қилиш тўғрисида”ги қонуни қабул қилингандан бошлаб нишонланиб келинмоқда. 
 
Маълумот ўрнида таъкидлаш лозимки, истеъмолчи— фойда чиқариб олиш билан боғлиқ бўлмаган ҳолда шахсий истеъмол ёки бошқа мақсадларда товар сотиб олувчи, иш, хизматга буюртма берувчи ёхуд шу ниятда бўлган фуқаро. 

ЎзА