FOTOREPORTAJ

Tojikiston poytaxti Dushanbe shahrida kurash bo‘yicha Osiyo chempionati yakunlandi.

O‘z tarixida XI marotaba o‘tkazilgan qit’a chempionatida 26 davlatdan sara kurashchilar jami 15 ta (7 ta erkaklar, 8 ta ayollar) vaznda medallar uchun o‘zaro bahs olib bordi. 

Musobaqaning ikkinchi kuni erkaklar o‘rtasida -60, -73, -100 kg, ayollarda esa -48, -57, -63, -78 hamda +87 kg vazn toifalarida g‘olib va sovrindorlar nomi ma’lum bo‘ldi. O‘zbekiston terma jamoasi to‘liq tarkib - 15 ta vaznda medallar uchun gilamga chiqdi. Yakunda birgina -73 kg vazn toifasidagi kurashchimiz medal qo‘lga kirita olmadi.

Kurash bo‘yicha O‘zbekiston terma jamoasi 7 ta oltin, 4 ta kumush, 3 ta bronza medali bilan umumjamoa hisobida birinchi o‘rinni egalladi. Eron terma jamoasi ikkinchi pog‘onadan joy oldi.   

Ikkinchi kungi g‘olib va sovrindorlar:

AYOLLAR 

-48 kg vazn toifasi

1. Lian Ye (Xitoy Taypeyi);

2. Mohinur Mo‘minova (O‘zbekiston);

3. Trang To Chi (Vetnam);

3. Yallappa Jadhav (Indoneziya).

-57 kg vazn toifasi

1. Ibodatxon Og‘ajonova (O‘zbekiston);

2. Fazilat Gulboyeva (Tojikiston);

3. Yu-Xsuan Chuang (Xitoy Taypeyi);

3. Saovalak Xomklin (Tailand).

-63 kg vazn toifasi

1. Oliya Hamidova (O‘zbekiston);

2. Ardeshir Beyranvand (Eron);

3. Yu-Ching Cheng (Xitoy Taypeyi);

3. Bxarti (Hindiston).

-78 kg vazn toifasi

1. Filura Ergasheva (O‘zbekiston);

2. Aliakbar (Eron);

3. Chia-Ling Liu (Xitoy Taypeyi);

3. Manprit (Hindiston).

+87 kg vazn toifasi

1. Rajab Fatema Barmaki (Eron);

2. Tay Tran Txi (Vetnam);

3. Sitora Husanova (O‘zbekiston);

3. Jittima Sirikarn (Tailand).

ERKAKLAR

-60 kg vazn toifasi

1. Muhammadrizo Quvvatov (Tojikiston);

2. Abdulaziz Hamroyev (O‘zbekiston);

3. Xatansayxan Amarsanaa (Mo‘g‘uliston);

3. Ali Muhammadi (Eron).

-73 kg vazn toifasi

1. Sabzali Pakdel (Eron);

2. Subhidini Halilzoda (Tojikiston);

3. Muhammad Muhammad (Quvayt);

3. Vu Ngok Son (Vetnam).

-100 kg vazn toifasi

1. Haydar Moradi (Eron);

2. Sherali Jo‘rayev (O‘zbekiston);

3. Akobir Abubakri (Tojikiston);

3. Vishal (Hindiston).

[gallery-6246]

Muhammad AMIN (surat) O‘zA