Термиз шаҳрида Сурхондарё вилояти ички ишлар бошқармаси ЖҚБ ходимлари 2020 йил 24 ноябрь куни вилоят ИИБ ЖҚБ ходимлари жорий йилнинг 27 июнида туғилган қизини нақд 80 миллион сўмга сотаётганида ашёвий далиллар билан ушлади.

Жарқўрғон тумани Янгиобод маҳаласида яшайдиган уй бекаси Салима Нодирова (исм-шариф ўзгартирилди) 4 ойу 28 кунлик қизи Жамила Тилавовани Термиз шаҳрида яшовчи 43 ёшдаги уй бекаси Нафиса Жўраевага 80 миллион сўмга сотишга келишган. Шу куни у жигарбандини Термиз шаҳридаги “INDENIM” савдо маркази ёнида “Матиз” русумли автомашина ичида 7 минг 500 доллар ва 5 миллион сўм пулга сотган вақтда қўлга олинди.  

Айни пайтда ўз фарзандини сотишга уринган бағритош онага нисбатан Жиноят кодексининг 135-моддаси 3-қисми “а” банди билан жиноят иши қўзғатилиб, тергов ҳаракатлари олиб борилмоқда.  

Холмўмин МАМАТРАЙИМОВ, ЎзА