Ҳарбий либос кийиб, кўзлари чақнаб турган бу болажонларнинг бугун қувончи чексиз. Аслида, ватанпарварлик туйғуси инсон руҳиятига, қалбига болалик чоғиданоқ жо бўлади. Айнан шу ёшда олинган билим ва таъсуротлар натижасида болажонларда Ватанга дахлдорлик ҳиси ортади. Эзгулик, дахлдорлик ҳиси сингдирилган, ватанга муҳаббат руҳи билан вояга етган инсондан ёмонлик чиқмайди. Пойтахтимиздаги 50-сонли давлат мактабгача таълим ташкилотида айни шу йўналишда ишлар намунали йўлга қўйилган. Бу ерда қай бир болажон билан суҳбатлашманг келажакда аскар бўлишни, Она Ватанни ҳимоя қилиши ҳақида жўшиб гапиради.

Шу кунларда барча жойларда бўлгани каби муассасада ҳам 14 январь – Ватан ҳимоячилари кунига бағишланган тадбир кўтаринки руҳда ташкил этилди. Ёшларни Она Ватанга садоқат руҳида тарбиялашда албатта бу каби тадбирларнинг ўрни алоҳида аҳамиятга эга. Байрамга бағишлаб болажонлар томонидан тайёрланган “Мен Ватанга содиқ посбон” номли композиция кўпчиликда катта таъсурот қолдирди.  

<iframe width="560" height="315" src="https://www.youtube.com/embed/0JYL7JY5E1s?si=dGc8ijv0Or_rtATE" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Санжар Тошпўлатов,

Улуғбек Тўхтаев,  

ЎзА