13,6 миллион сўм жарима ёзилди
Хатирчи тумани Экология, атроф-муҳитни муҳофаза қилиш ва иқлим ўзгариши бўлими давлат инспекторлари томонидан Кўксарой маҳалласи ҳудудида назорат рейд тадбири ўтказилди.
Рейд тадбири давомида фуқаролар Д.Т., Р.Ж. ва О.Ғ.лар ўзига тегишли бўлган юк машинасига ноқонуний равишда қум-шағал аралашмасини юклаб олаётган вақтида тўхтатиб қолинди.
Инспекторлар томонидан ҳуқуқбузарлар юклаб олган қум-шағал аралашмаси жойига қайта тўктирилган.
Ушбу ҳолат юзасидан Ўзбекистон Республикаси МЖтКнинг 70-моддаси 1-қисми билан маъмурий баённома расмийлаштирилиб, 13,6 миллион сўм миқдорида жарима солинган.
А.Бўриев, ЎзА мухбири