120 метр баландликдан отилиб тушувчи Сангардак шаршараси
Сангардак шаршараси – Сурхондарё вилоятининг Сариосиё тумани марказидан қарийб 55 километр узоқликда, тоғлар орасидаги Сангардак қишлоғида жойлашган.
Сангардак шаршараси – Сурхондарё вилоятининг Сариосиё тумани марказидан қарийб 55 километр узоқликда, тоғлар орасидаги Сангардак қишлоғида жойлашган.
Шаршара ер сатҳидан 120 метр баландликдаги тоғ қоясидан отилиб тушади. Унинг суви ёз фаслида кўпаяди, кузда эса камая бошлайди. Маҳаллий аҳолининг айтишича, унинг зилол суви баланд тоғлардаги музликларнинг эришидан ҳосил бўлади.
Ўзига хос ажиб табиати, майин эсувчи салқин шабадаси бу жойни кишиларнинг севимли зиёрат масканига айлантирган. Шаршаранинг зилол сувидан баҳраманд бўлиш, офтоб деярли тушмайдиган хушҳаво манзарани томоша қилиш истагидаги сайёҳларнинг саноғи йўқ.
