“Ёшлар форуми — 2024” доирасида мамлакатимиз тараққиётига муносиб ҳисса қўшиб келаётган бир гуруҳ ёшларга “Ўзбекистон белгиси” кўкрак нишони топширилди.

Жорий йилгача “Ўзбекистон белгиси” кўкрак нишони билан тақдирланган ёшларнинг умумий сони 1 минг 73 нафарни ташкил этди. 

Ушбу мукофот билан ватанпарварлик, фидойилик туйғусини ва меҳнатсеварлик фазилатларини ўзида мужассамлаштирган, ватанимиз обрўси, шон-шуҳрати ва шарафини юксалтиришга ҳамда унинг халқаро нуфузини оширишга хизмат қилаётган, мамлакатимизнинг ижтимоий-сиёсий ҳаётида фаол иштирок этиб, ўрнак бўлиб келаётган ёшлар тақдирланиб келмоқда. 

Ушбу кўкрак нишони Ўзбекистон ёшлар иттифоқи Марказий кенгашининг қарори асосида, номзодлар танлов комиссияси томонидан ўрганиб чиқилганидан сўнг тантанали равишда топширилади. 

Таъкидлаш жоизки, жорий йилда 250 нафардан ортиқ ёшларимиз ушбу кўкрак нишони учун номзодлик қилган бўлиб, Ўзбекистон ёшлар иттифоқи Марказий кенгаши қарори билан илм-фан, маданият, таълим, соғлиқни сақлаш, санъат, журналистика, спорт, қишлоқ хўжалиги, кичик бизнес, ҳуқуқ ва ҳарбий соҳаларда ўқиётган, ишлаётган ҳамда илмий-ижодий фаолият билан шуғулланиб, юксак натижаларга эришаётган 110 нафар ёшга “Ўзбекистон белгиси” кўкрак нишони топширилди. 

<iframe width="650" height="420" src="https://www.youtube.com/embed/IviyQj8TAF8" title="110 nafar yoshga “O‘zbekiston belgisi” ko‘krak nishoni topshirildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Гулноза Бобоева, ЎзА