Халқаро дзюдо федерацияси спортчиларнинг 2020 йил декабрь ҳолатига кўра янгиланган Олимпиада рейтингини эълон қилди.

Унга кўра, жорий йилги мавсумни 11 нафар дзюдочимиз Олимпия ўйинларига йўлланма берувчи лицензион ҳудудда якунлади.

Жумладан, вазни 60 килограммгача бўлган дзюдочилар рейтингида курашаётган Шарофиддин Лутфиллаев 5027 очко билан 4- ўринни эгаллаган бўлса, 1948 очко жамғарган Диёрбек Ўрозбоев 24- ўринни эгаллаб лицензион ҳудуддан жой олди.

Шунингдек, Сардор Нуруллаев, Ҳикматиллоҳ Тўраев, Шарофиддин Болтабоев, Камолиддин Расулов,  Давлат Бобонов, Муҳаммадкарим Хуррамов, Бекмурод Олтибоев, Диёра Келдиёрова, Гулноза Матниязова ўз вазн тоифаларида лицензион ҳуддудан жой эгаллаб турибди.

Эслатиб ўтамиз, ушбу рейтинг фақат Олимпиада рейтингидир. Мазкур рейтингда етакчи ва унга энг яқин вакилларимиз кўрсатилган бўлиб, агарда улар ўртасида бир вазнда 2 ёки ундан ортиқ дзюдочи йўлланма зонасида қолса, қайси спортчи Олимпиадага боришини Миллий олимпия қўмитаси ва дзюдо федерация ҳал қилади. Олимпиада рейтингини йиғиш 2021 йилнинг 28 июнь санасида якунланади.