Озарбайжон давлати мезбонлик қилаётган III МДҲ ўйинларида Ўзбекистон делегацияси айни дамга келиб 4 та олтин, 13 та кумуш ҳамда 24 та бронза медалларини жамғарди.

Мусобақанинг навбатдаги кунида каратэ баҳсларининг аёллар ўртасидаги -50 кг. вазн тоифасида Гулшан Алимардонова олтин медални қўлга киритса, эркаклар орасида индивидуал ката йўналишида Самандар Уразалиев кумуш медалга эга чиқди. Қиличбозликнинг шпага йўналишида Марварид Зувайдуллоева муваффақиятли чиқиш қилиб, бронза медалига сазовор бўлди.

Спорт курашлари бўйича Мухаммад Раҳимжонов (эркин кураш, 45 кг), Асадбек Эркинжонов (эркин кураш, 92 кг), Назокат Ўринова (аёллар, 46 кг), Жасмина Пирмаматова (аёллар, 40 кг) кумуш,  Шоҳрух Якубов (эркин кураш, 51 кг) ва Худоберди Тургунов (эркин кураш, 51 кг) бронза медалларини қўлга киритди.

Бокс мусобақаларида қуйидаги жами 11 нафар спортчиларимиз финал босқичига йўл олди:

-46 кг. Ўткирбек Норқосимов;

-50 кг. Азизбек Шокиржонов;

-54 кг. Беҳруз Роҳаталиев;

-57 кг. Бобомурод Боймирзаев;

-60 кг. Отабек Нурмуҳаммадов;

-63 кг. Дилшод Аҳмаджонов;

-66 кг. Камронбек Ҳамдамов;

-70 кг. Ойбекжон Абдураҳимов;

-75 кг. Хуршидбек Жўраев;

+80 кг. Фарҳоджон Баҳодиров.

III МДҲ ўйинларида спортчиларимиз, бокс, човғон, каратэ, спорт курашлари, қиличбозлик, волейбол каби бир қатор мусобақаларда иштирок этади.

Жавоҳир Тошхўжаева, ЎзА