Австралиялик раққоса аёл Сиднейдаги қариялар муассасасидан ҳикоя қилади.

Хорижда ўн йил яшаган Крамер хоним 99 ёшида ўз уйи Сиднейга қайтиб келган.  

Бугун у 106 ёшда. У шаҳрига қайтгандан буён умри мобайнидаги энг катта орзуси – кексаликдаги рақсларининг тасвирини намойиш этиш учун фотографлар билан ҳамкорлик қилган ва Aвстралиянинг энг нуфузли фотосуратлар танловида иштирок этган.

Крамер хоним ҳануз хиром айламоқда. “Сиднейга қайтиб келганимдан бери жуда банд бўлдим, яъни Миллий драматик санъат институти ва мустақил театрларда учта катта рақс асарларини ижро этдим.  

Мен Aделаида ва Брисбендаги иккита катта рақс фестивалларида қатнашганман. Турли фильмларда, кўплаб кичик спектаклларда иштирок этганман, учта китоб ҳам ёзганман”, дейди у.

Кексаликдаги бундай нафис рақсга тушишнинг сири нимада, деган  саволга кўп дуч келишини маълум қилган раққоса хоним шундай жавоб берди: "Мен кекса эмасман, “кекса” ва “ёш” сўзларини сўз бойлигимдан чиқариб ташлайман. Сиз айтаётган “нафис рақс” эса менинг ҳаётга бўлган муносабатим”, дея қўшимча қилди у.