Навоий вилояти ички ишлар бошқармаси ахборот хизмати берган хабарга кўра, бошқарманинг тегишли тузилмалари ходимлари томонидан тезкор ўрганишлар ўтказилган.

Хусусан, 1992 йил туғилган, Тошкент вилояти, Бўка тумани, “Янги” маҳалла фуқаролар йиғинида истиқомат қилувчи, ҳайдовчи Ҳ.С.га тегишли бўлган “Спарк” русумли автомашина жарима майдончасига олиб келинган.

Вилоят ишки ишлар бошқармаси йўл патрул хизмати инспекторларининг билдиргисига асосан, ўтказилган тадбирда Ҳ.С.нинг илтимосига кўра автомашинани жарима майдончасидан чиқариб беришни ваъда қилган таниши 1989 йил туғилган, Тошкент вилояти, Юқори-Чирчиқ тумани, “Ёшлик” маҳалла фуқаролар йиғинида яшовчи Ф.Ж., йўл патрул хизмати катта инспектори С.Қудратовга автомобилни чиқариб олиш эвазига 100 АҚШ доллари ҳамда 500 минг сўм пул маблағларини пора тариқасида бераётган вақтида ашёвий далиллар билан қўлга олинган.

Ҳ.С. ҳамда Ф.Ж. қилмишларига яраша қонун доирасида тегишли тартибда жавобгарликка тортилган.