Албаниянинг Дуррес шаҳрида ўсмирлар ўртасида шахматнинг рапид ва блиц йўналишлари бўйича ўтказилган жаҳон чемпионатида умидли шахматчимиз Малика Норқулова 3-ўрин соҳибаси бўлди.

Дунёнинг 43 давлатидан 350 нафар шахматчи ғолиблик учун кураш олиб борган мусобақада муваффақиятли иштирок этган Малика Норқулова 11 турдан иборат рапид йўналишидаги баҳслар якунида 8 очко жамғарди ва бронза медалини қўлга киритди.

Мазкур йўналишда олтин ва кумуш медаллар ҳиндистонлик Шарвааника ва ФИДE байроғи остида мусобақада иштирок этган Алиса Юнкерга насиб этди.

Т. Рўзиев, ЎзА