Өзбекстан тәуелсіздігінің 30 жылдығына орай Солтүстік Америкадағы ең әдемі және әлемге әйгілі сарқырама Ниагара сарқырамасы 1 қыркүйекте Өзбекстан туының түсімен жарқырайды.

Бұл туралы Өзбекстанның АҚШ-тағы Төтенше және өкілетті елшісі Джавлон Вахобов Twitter -дегі парақшасында хабарлады.

Сарқырама 1 қыркүйекте жергілікті уақыт бойынша сағат 22:30 -да Өзбекстан туының түсімен жарықтандырылады. Өзбекстандықтар бұл жағдайды 2 қыркүйек күні таңертең Ташкент уақытымен сағат 7:30 -да тікелей эфирде тамашалай алады.

Сарқырамада тудың бейнесі 15 минут уақыт бойы желбіреп тұрады.