Oʻzbekiston Respublikasi Prezidentining 2018 yil 6 noyabrda “Baliqchilik sohasi rivojlantirishga doir qoʻshimcha chora-tadbirlar toʻgʻrisida”gi qarori qabul qilindi.

Mazkur qarorga muvofiq, Baliqchilik ilmiy-tadqiqot institutini rivojlantirish uchun 2019 yilda Baliqchilikni rivojlantirish jamgʻarmasi hisobidan 1 milliard soʻm ajratiladi. 

Bundan tashqari, qaror bilan Aydar-Arnasoy koʻllar tizimida intensiv usulda baliq yetishtirishni rivojlantirish va investitsiyalarni jalb etish boʻyicha komissiya tashkil qilindi.

Shuningdek, 2019 yildan boshlab har yili noyabr oyida baliqchilikka oid koʻrgazma oʻtkazish amaliyoti joriy qilinadi.