1 февралдан бошлаб маҳаллий йўналишдаги поезд чипталари нархи яна оширилади бу ҳақда «Ўзбекистон темир йўллари» АЖ маълум қилди.

Хабарда айтилишича юқори тезликда ҳаракатланувчи «Афросиёб» электропоездлари чипта нархи 20−25%га, «Шарқ», «Насаф» ва «Ўзбекистон» тез юрар поездлариники 30%га қимматлашади.

Нархларнинг оширилишига темир йўл инфратузилмаси харажатлари, электр энергияси, ёқилғи ва транспорт харажатларини қоплаш, шунингдек, янги юқори тезликда ҳаракатланувчи электропоездларни харид қилиш ва йўловчи вагонлари паркини янгилаш, темир йўл вокзаллари фаолиятини янги талабларга мувофиқлаштириш ва сифатли хизмат кўрсатиш сабаб қилиб кўрсатилган.

Маълумот учун шуни айтиш мумкинки, компания томонидан «Афросиёб» тезюрар поездларининг чипталари нархи бир неча бор оширилган. Биринчи марта нархлар 2023 йилнинг ноябрь ойида 60%га кўтарилган, кейин эса икки марта — январь ва май ойларида оширилганди. Шу билан бирга, 2024 йилнинг 1 июлидан тез юрар йўловчи поездларда ҳам нархлар оширилган эди.

<iframe width="463" height="823" src="https://www.youtube.com/embed/APmchFY_qUE" title="1-fevraldan poyezd chiptalari narxi yana oshiriladi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Нозимбек Мардонов, ЎзА