“Ўзбеккино” ва маҳаллий телеканаллар “Уй кинотеатри” акцияси доирасида ҳамкорлик қилади
Наврўз байрами кунлари ҳамюртларимиз 30 та янги кино премьераси билан танишиш имконига эга бўлади, дея хабар бермоқда “Ўзбеккино” миллий агентлиги матбуот хизмати.
Наврўз байрами кунлари ҳамюртларимиз 30 та янги кино премьераси билан танишиш имконига эга бўлади, дея хабар бермоқда “Ўзбеккино” миллий агентлиги матбуот хизмати.
Хабарда маълум қилинишича, “Ўзбеккино” миллий агентлиги телевизион эфир вақтини тўлдириш учун давлат ва нодавлат телеканалларга кинофонддан 750 бирликдаги материалларни тақдим этади. Акциянинг биринчи босқичида 250 дан ортиқ янги киноматериаллар – ҳужжатли ва бадиий фильмлар, охирги 10 йилда ишлаб чиқарилган мультфильмлар, шов-шувга сабаб бўлган қисқа метражли фильмлар намойиш этилади. Болаларнинг севимли “Зумраша” киножурналининг янги сонлари тақдим этила бошлайди.
Шунингдек, “Ўзбеккино” миллий агентлиги телеканалларга намойиши яқин икки ҳафта ичида ўтказилиши мўлжалланган 30 та янги фильмни тақдим этади. Улар орасида “Қўқон шамоли”, “Авлоний” , “1 августь” ва бошқа машҳур картиналар бор.