Өзбекстанда Құрбан айт мейрамы 31 шілдеге белгіленіп, осы күні Республикалық арнайы комиссия шешімі мен елдегі барлық түрдегі көлік құралдары, желісіз такси қозғалыстары тәулік бойы толықтай тоқтатылады.

«Өзбекстан мұсылмандары діни басқармасы кеңесінің Құрбан айт мейрамын коронавирустық пандемия кезінде карантин талаптарына сай өткізу туралы мәлімдемесі қабылданды және жергілікті билік органдарына тиісті шараларды қолдану тапсырылды.

Азаматтарға Құрбан айт мерекесін карантин шектеулерін бұзбай, үйде, отбасында, қарапайым түрде, халқымыздың ұлттық құндылық дәстүріне сәйкес елдегі жағдайды ескере, ережеге жауапкершілікпен қарай отырып өткізу туралы кеңес беріледі», делінген хабарламада.