Зеленскийнинг айтишича, Европа иттифоқи ва АҚШ томонидан жиддий босим бўлмаса, Россия Украинадаги урушни дипломатик йўл билан ҳал қилишга рози бўлмайди. “Агар, музлатилган Россия маблағларидан фойдаланиш бўйича қарор қабул қилинмаса, Россия президенти Владимир Путин музокаралар столига ўтирмайди. Бу аниқ, чунки у дипломатик йўлни истамайди. Ҳеч қандай дипломатияни ҳам, ҳеч қандай мулоқотни ҳам хоҳламайди”, - дея Зеленскийнинг сўзларидан иқтибос келтирган «Европейская правда» нашри.

Украина президенти урушни давом эттириш учун маблағ етишмаслиги сабабли заифроқ ҳолатда  эканини таъкидлади. «Путинда бизни босиб олиш истаги кучаймоқда, чунки бизнинг яшаш учун ҳам, қурол учун ҳам пулимиз етишмаяпти. У ҳимоясиз қолаётганимизни тушунаяпти»,- деган у.

Шунингдек, Зеленскийнинг фикрича, агар Россияга қарши санкциялар ҳақиқатан ҳам амал қилса ва АҚШ Кремлга босимни кучайтирса, Москва урушни аввалги ҳажмларда молиялаштираолмайди.

<iframe width="650" height="420" src="https://www.youtube.com/embed/BIqvdX2YAQo" title="Zelenskiy: EI va AQSh bosimisiz Putin muloqotga bormaydi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

К.Бекжонов, ЎзА